അറിയിപ്പ്

കണ്ണൂർ റവന്യൂ ജില്ലാ അറബിക് അദ്ധ്യാപക സംഗമവും കലാസാഹിത്യ മത്സരങ്ങളും ജനുവരി 5 ശനിയാഴ്ച ഇരിക്കൂർ സബ്ജില്ലയിലെ പെരുവളത്ത്പറമ്പ് റഹ്മാനിയാ ഹയർ സെക്കണ്ടറി സ്കൂളിൽ വെച്ച് നടത്തുന്നതാണ്‌.ടി സംഗമത്തിൽ അറബിക് അദ്ധ്യാപകരുടെ പങ്കാളിത്തം ഉറപ്പ് വരുത്തേണ്ടതാണ്‌.

സ്പെഷ്യൽ അരി വിതരണം

സ്പെഷ്യൽ അരി വിതരണം അടിയന്തിരമായി പൂർത്തിയാക്കി അക്വിറ്റൻസും മറ്റനുബന്ധ രേഖകളും ഓഫീസിൽ സമർപ്പിക്കേണ്ടതാണ്‌.

കൈത്തറി യൂണിഫോം

2019-20 വർഷത്തേക്കാവശ്യമായ  കൈത്തറി യൂണീഫോം ഇൻഡന്റ് ചെയ്യുന്നതിലേക്കായി 1 മുതൽ 7 വരെ ക്ലാസ്സുകളുള്ള സർക്കാർ സ്കൂളുകളും , 1 മുതൽ 4 വരെ ക്ലാസ്സുകൾ  മാത്രം ഉള്ള എയിഡഡ് സ്കൂളുകളും ഇതോടൊപ്പമുള്ള പ്രൊഫോർമയിൽ കളർകോഡ് രേഖപ്പെടുത്തി 29-12-2018 ന്‌ 2 മണിക്ക് മുമ്പായി ഓഫീസിൽ സമർപ്പിക്കേണ്ടതാണ്‌. ടി വിവരങ്ങൾ ക്രോഡീകരിച്ച് KITE ന്റെ ഓൺലൈൻ പോർട്ടലിൽ രേഖപ്പെടുത്തേണ്ടതിനാൽ യാതൊരു കാരണവശാലും സമയം ദീർഘിപ്പിച്ചു നല്കുന്നതല്ലായെന്ന് അറിയിക്കുന്നു.

           പ്രൊഫോർമയ്ക്കായി ഇവിടെ ക്ലിക്ക് ചെയ്യുക.

പി.ഡി.എഫ് ഫോർമാറ്റ്
           സാമ്പിൾ കളർകോഡ് ഓഫീസിൽ ലഭ്യമാണ്‌.
കളർകോഡ്

വളരെ അടിയന്തിരം

ഒ.ബി.സി പ്രീമെട്രിക് സ്കോളർഷിപ്പ്

2015-16 , 2016-17 , 2017-18 വർഷങ്ങളിൽ ഒ.ബി.സി പ്രീമെട്രിക് സ്കോളർഷിപ്പിന്‌ അർഹത നേടിയിട്ടും തുക അക്കൗണ്ടിൽ ലഭ്യമാകാത്ത കുട്ടികളുടെ വിശദാംശങ്ങൾ നിർദ്ദിഷ്ട പ്രൊഫോർമയിൽ , ഓരോ വർഷത്തേയും  പ്രത്യേകമായി ആമുഖ കത്ത് സഹിതം ചുവടെ കൊടുത്തിരിക്കുന്ന മേൽ വിലാസത്തിലേക്ക് അയച്ചുകൊടുക്കുവാൻ വിദ്യാഭ്യാസ ഉപഡയറക്ടർ നിർദ്ദേശിച്ചിട്ടുണ്ട്. ആയതിനാൽ എല്ലാ പ്രധാനാദ്ധ്യാപകരും ആവശ്യപ്പെട്ട വിവരങ്ങൾ നിർദ്ദിഷ്ട പ്രൊഫോർമയിൽ ചുവടെ കൊടുത്തിരിക്കുന്ന വിലാസത്തിലേക്ക് അയച്ചു കൊടുക്കുന്നതിനുള്ള അടിയന്തിര നടപടികൾ കൈക്കൊള്ളേണ്ടതാണ്‌.

                          വിലാസം

                          മേഖലാ ഡെപ്യൂട്ടി ഡയറക്ടർ

                          പിന്നാക്ക വിഭാഗ വികസന വകുപ്പ്

                          സിവിൽ സ്റ്റേഷൻ

                          കാക്കനാട്

                          എറണാകുളം-682 030

ഇതിനോടകം എ.ഇ.ഒ യിൽ നല്കിയ പ്രൊഫോർമകൾ തിരികെ ആവശ്യമുള്ള സ്കൂളുകൾ ആയത് കൈപ്പറ്റി പകരം ഫോട്ടോകോപ്പി ഓഫീസിൽ നല്കേണ്ടതാണ്‌.

ഗെയിൻ പി.എഫ്

എല്ലാ എയ്ഡഡ് സ്കൂളുകളിലേയും ഗെയിൻ പി.എഫ്   എ.ബി.സി.ഡി സ്റ്റേറ്റ്മെന്റ്   വെരിഫൈ ചെയ്തതിനുശേഷം പ്രിന്റൗട്ട്  എടുത്ത് ഒപ്പ് രേഖപ്പെടുത്തി 28-12-2018 നു മുമ്പായി  എ.ഇ.ഒ ഓഫീസിൽ  എത്തിക്കേണ്ടതാണ്‌.

വിവരശേഖരണം

2017-18 , 2018-19 വർഷങ്ങളിൽ ജോലി ചെയ്ത അധ്യാപകരുടെ എണ്ണം 22-12-2018 ന്‌ 12 മണിക്ക് മുമ്പായി  ചുവടെ കൊടുത്തിരിക്കുന്ന ലിങ്കിൽ രേഖപ്പെടുത്തി നല്കേണ്ടതാണ്‌.ലിങ്കിനായി  ഇവിടെ ക്ലിക്ക് ചെയ്യുക.

അറിയിപ്പ്

14-12-2018 ന്‌ നടത്താൻ നിശ്ചയിച്ചിരുന്ന എല്ലാ പരീക്ഷകളും മുൻനിശ്ചയിച്ച സമയക്രമത്തിൽ 21-12-2018 നു നടത്തേണ്ടതാണ്‌.

റാമ്പ് & റെയിൽ

അംഗപരിമിതർക്ക് സഞ്ചാര സൗകര്യം ഒരുക്കുന്നതിന്‌ മുന്നോടിയായി  സ്കൂളുകളിൽ നിലവിലുള്ള സൗകര്യങ്ങൾ സംബന്ധിച്ച് 14-11-2018 നുള്ളിൽ നിർദ്ദിഷ്ട പ്രൊഫോർമയിൽ നല്കാൻ ആവശ്യപ്പെട്ടിട്ടും നാളിതുവരെയായി 13 സ്കൂളുകൾ മാത്രമേ ആവശ്യമായ വിവരങ്ങൾ നല്കിയിട്ടുള്ളൂ.ഈ സാഹചര്യത്തിൽ എല്ലാ സ്കൂളുകളും 18-12-2018 ന്‌ വൈകുന്നേരം 5  മണിക്ക് മുമ്പായി ഇതോടൊപ്പം നല്കിയ ലിങ്കിൽ പ്രവേശിച്ച് ആവശ്യമായ രേഖപ്പെടുത്തലുകൾ വരുത്തി നല്കേണ്ടതാണ്‌ . ലിങ്കിനായി ഇവിടെ ക്ലിക്ക് ചെയ്യുക.

വാഹന ഇൻഷുറൻസ്

സ്കൂൾ വാഹനങ്ങൾ ഇനി മുതൽ തെക്കീ ബസാറിൽ റബ്കോ ബിൽഡിംഗിൽ പ്രവർത്തിക്കുന്ന ജില്ലാ ഇൻഷുറൻസ് ഓഫീസിൽ ഇൻഷൂർ ചെയ്യുന്നതിനുള്ള നടപടികൾ കൈക്കൊള്ളേണ്ടതാണ്‌. കൂടുതൽ വിവരങ്ങൾക്ക് ജില്ലാ ഇൻഷുറൻസ് ഓഫീസിലെ ഡവലപ്പ്മെന്റ് ഓഫീസറെ 94 96 004 884 എന്ന ഫോൺ നമ്പറിൽ ബന്ധപ്പെടാവുന്നതാണ്‌.

സ്കൂൾ സുരക്ഷ

സ്കൂൾ സുരക്ഷയുമായി ബന്ധപ്പെട്ട് കേരള സംസ്ഥാന ദുരന്ത നിവാരണ അതോറിറ്റിയുടെ മാർഗ്ഗനിർദ്ദേശങ്ങൾക്കായി ഇവിടെ ക്ലിക്ക് ചെയ്യുക -(ഭാഗം 1 , ഭാഗം 2).

                     സ്കൂൾ സുരക്ഷ സംബന്ധിച്ച് കണ്ണൂർ ജില്ലാ വിദ്യാഭ്യാസ ഉപഡയറക്ടറുടെ നിർദ്ദേശങ്ങൾക്കായി ഇവിടെ ക്ലിക്ക് ചെയ്യുക.

 പ്രസ്തുത നിർദ്ദേശങ്ങൾ കർശനമായി പാലിക്കേണ്ടതാണ്‌.

           ചുവടെ കൊടുത്തിരിക്കുന്ന പ്രൊഫോർമകൾ പൂരിപ്പിച്ച് 15-12-2018 നുള്ളിൽ ഓഫീസിൽ സമർപ്പിക്കേണ്ടതാണ്‌.

പ്രൊഫോർമ 1 , പ്രൊഫോർമ 2

ഉച്ചഭക്ഷണ പദ്ധതി

“ഉച്ചക്കഞ്ഞി” എന്ന പദപ്രയോഗം പൂർണ്ണമായി ഒഴിവാക്കേണ്ടതാണ്‌. ബഹുമാനപ്പെട്ട പൊതുവിദ്യാഭ്യാസ ഡയറക്ടറുടെ കത്തിനായി ഇവിടെ ക്ലിക്ക് ചെയ്യുക. പ്രസ്തുത കത്തിലെ നിർദ്ദേശങ്ങൾ കർശനമായി പാലിക്കേണ്ടതാണ്‌. ഇത് സംബന്ധിച്ച് പി.ടി.എ, മദർ പി.ടി.എ , എസ്.എം.സി , നൂണ്മീൽ കമ്മിറ്റി എന്നിവയ്ക്ക് ബോധവത്കരണം നല്കുന്നതിനുള്ള അടിയന്തിര നടപടികൾ കൈക്കൊള്ളേണ്ടതാണ്‌.

മനുഷ്യാവകാശ ദിനം

2018 ഡിസംബർ 10 അന്തർദേശീയ മനുഷ്യാവകാശ ദിനമായി ആചരിക്കുന്നതിന്റെ ഭാഗമായി സ്കൂളുകളിൽ ചൊല്ലേണ്ട പ്രതിജ്ഞയ്ക്കായി ഇവിടെ ക്ലിക്ക് ചെയ്യുക.

സ്പെഷ്യൽ അരി വിതരണം 

സ്പെഷ്യൽ അരി വിതരണം ചെയ്യുന്നതിലേക്കായി  10-12-2018 നു തന്നെ ഇൻഡന്റ് പാസ്സാക്കേണ്ടതുണ്ട്. ആയതിനാൽ എല്ലാ സ്കൂളുകളും നിലവിൽ  ഉച്ചഭക്ഷണ പരിപാടിയിൽ ഉൾപ്പെട്ടിട്ടുള്ള  കുട്ടികളുടെ ക്യത്യമായ എണ്ണം പുതിയ നൂണ്മീൽ സോഫ്റ്റ് വെയറിൽ 10-12-2018 ന്‌ ഉച്ചയ്ക്ക് മുമ്പായി അപ്ഡേറ്റ് ചെയ്യേണ്ടതാണ്‌. ആറാം പ്രവർത്തി ദിവസത്തെ അംഗസംഖ്യയിൽ  നിന്നും വ്യത്യാസം (കൂടുതലോ കുറവോ) ഉണ്ടെങ്കിൽ ആയത് സോഫ്റ്റ് വെയറിൽ നിർബന്ധമായും രേഖപ്പെടുത്തിയിരിക്കണം. പ്രസ്തുത തിരുത്തലുകൾ വരുത്താത്തതുമൂലം ഏതെങ്കിലും കുട്ടിക്ക് സ്പെഷ്യൽ അരി ലഭിക്കാത്ത സാഹചര്യം ഉണ്ടായാൽ ആയതിന്റെ പൂർണ്ണ ഉത്തരവാദിത്തം ബന്ധപ്പെട്ട പ്രധാനാദ്ധ്യാപകനായിരിക്കുമെന്ന് ഓർമ്മിപ്പിക്കുന്നു.

ഒ.ബി.സി പ്രീമെട്രിക് സ്കോളർഷിപ്പ്

2015-16 മുതൽ ഒ.ബി.സി പ്രീമെട്രിക് സ്കോളർഷിപ്പിന്‌ അർഹത നേടിയിട്ടും തുക ബാങ്ക് അക്കൗണ്ടിൽ എത്താത്ത കുട്ടികളുടെ പട്ടിക നിർദ്ദിഷ്ട പ്രൊഫോർമയിൽ 11-12-2018 ന്‌ ഓഫീസിൽ സമർപ്പിക്കേണ്ടതാണ്‌. പ്രൊഫോർമയ്ക്കായി ഇവിടെ ക്ലിക്ക് ചെയ്യുക.
ഓരോ വർഷത്തേക്കും പ്രത്യേകം പ്രത്യേകം പ്രൊഫോർമ സമർപ്പിക്കേണ്ടതാണ്‌.

അറിയിപ്പ്

ഉച്ചഭക്ഷണ പരിപാടിയുടെ പ്രതിദിന ഡാറ്റാ എൻട്രി നടത്തുന്നതിൽ മിക്കവാറും സ്കൂളുകൾ വീഴ്ച വരുത്തുന്നതായി ശ്രദ്ധയില്പ്പെട്ടിട്ടുണ്ട്. പ്രതിദിന ഡാറ്റാ എൻട്രിക്കനുസരിച്ചുള്ള തുക മാത്രമേ കേന്ദ്ര സർക്കാർ വിഹിതമായി കിട്ടുകയുള്ളുവെന്നതിനാൽ ഇക്കാര്യത്തിൽ ഇനിയും വീഴ്ച വരുത്തരുതെന്നും ഇക്കാര്യത്തിൽ നിരന്തരം ഓർമ്മപ്പെടുത്തേണ്ട സാഹചര്യം ഒഴിവാക്കേണ്ടതാണെന്നും കർശ്ശന നിർദ്ദേശം നല്കുന്നു.

അറിയിപ്പ്

ഉപജില്ലയിലെ പ്രൈമറി വിഭാഗം പ്രധാനാദ്ധ്യാപകരുടെ ഒരു യോഗം 10-12-2018 തിങ്കളാഴ്ച 3 മണിക്ക് എ.ഇ.ഒ ഹാളിൽ ചേരുന്നതാണ്‌.എല്ലാ പ്രധാനാദ്ധ്യാപകരും ക്യത്യ സമയത്ത് യോഗത്തിൽ പങ്കെടുക്കേണ്ടതാണ്‌.

ജൈവവൈവിധ്യ കോൺഗ്രസ്സ്

ഈ വർഷത്തെ കണ്ണൂർ ജില്ലാതല കുട്ടികളുടെ ജൈവവൈവിധ്യ കോൺഗ്രസ്സ് 3-1-2019 ന്‌ കണ്ണൂർ ഗവ ടി.ടി.ഐ യിൽ വെച്ച് നടത്തപ്പെടുന്നതാണ്‌. അപേക്ഷ സമർപ്പിക്കുന്നതിനുള്ള അവസാന തീയതി 10-12-2018 . വിശദാംശങ്ങൾക്ക് ഇവിടെ ക്ലിക്ക് ചെയ്യുക

ഏകദിന പരിശീലനം

ഡയറ്റ് തയ്യാറാക്കിയ എൽ.എസ്.എസ് പരീക്ഷാ പഠനസാമഗ്രിയുടെ പരിചയപ്പെടുത്തൽ, ഉന്നത വിജയത്തിനായുള്ള പ്രവർത്തനങ്ങളുടെ ആസൂത്രണവും അവലോകനവും നടത്തൽ  എന്നീ ഉദ്ദേശ്യത്തോട് കൂടി ഒരു പരിശീലന പരിപാടി 11-12-2018 ന്‌ രാവിലെ 10 മണിക്ക് എ.ഇ.ഒ ഹാളിൽ വെച്ച് നടത്തുന്നതാണ്‌. ഉപജില്ലയിലെ എല്ലാ വിദ്യാലയങ്ങളിൽ നിന്നും ഒരു അധ്യാപകൻ/അധ്യാപിക വീതം പ്രസ്തുത പരിശീലന പരിപാടിയിൽ നിർബന്ധമായും പങ്കെടുക്കേണ്ടതാണ്‌.

അറിയിപ്പ്

 കണ്ണൂർ റവന്യൂജില്ലാ ഭാസ്കരാചാര്യ സെമിനാർ, രാമാനുജൻ പേപ്പർ പ്രസന്റേഷൻ മത്സരങ്ങൾ ( ഗണിത ശാസ്ത്രം) 04.12.18 ചൊവ്വാഴ്ച രാവിലെ 10 മണിക്ക് കണ്ണൂർ നോർത്ത് BRC യിൽ (ശിക്ഷക് സദന് സമീപം) വെച്ച് നടക്കും. ഉപജില്ലയിൽ നിന്ന് അതത് വിഭാഗങ്ങളിൽ   ഒന്നും രണ്ടും സ്ഥാനങ്ങൾ കിട്ടിയ കുട്ടികൾ പങ്കെടുക്കണം

 

ഭാസ്കരാചാര്യ സെമിനാർ

ഹൈസ്കൂൾ -ഗണിത ശാസ്ത്രവും ഭൗതിക ശാസ്ത്രവും(Mathematics and Physics)

ഹയർ സെക്കന്ററി -Trigonometric functions and applications

ഭാസ്കരാചാര്യ സെമിനാർ മത്സരം ജില്ലാതലം വരെ മാത്രം

രാമനുജൻ പേപ്പർ പ്രസന്റേഷൻ 

വിഷയം

ഹൈസ്കൂൾ വിഭാഗം - ദശാംശ സഖ്യകൾ(Decimal Numbers)

അറിയിപ്പ്

മേലധികാരികളുടെ അനുവാദമില്ലാതെ  പുറത്തുനിന്നുള്ള വ്യക്തികൾ  സ്കൂളുകളിൽ കച്ചവടം നടത്തുന്നതിനോ മറ്റ് പരസ്യ പ്രചരണം നടത്തുന്നതിനോ അവസരം നല്കുന്നതിനോ അവസരം  നല്കരുതെന്ന്  എല്ലാ പ്രഥമാദ്ധ്യാപകർക്കും  നിർദ്ദേശം നല്കുന്നു.

PTA-മാർഗ്ഗനിർദ്ദേശങ്ങൾ 

സംസ്ഥാനത്തെ  സ്കൂളുകൾ , ടി.ടി.ഐ കൾ , ഡയറ്റുകൾ  എന്നിവയിൽ പ്രവർത്തിക്കുന്ന അധ്യാപക രക്ഷാകർത്യ സമിതികളുടെ പ്രവർത്തനം  കാര്യക്ഷമവും  സുതാര്യവുമാക്കുന്നതിനുള്ള പൊതുവിദ്യാഭ്യാസ ഡയറക്ടറുടെ  നിർദ്ദേശങ്ങൾക്കായി ഇവിടെ ക്ലിക്ക് ചെയ്യുക. പ്രസ്തുത സർക്കുലറിലെ നിർദ്ദേശങ്ങൾ കർശനമായി പാലിക്കേണ്ടതാണ്‌.

Ek Bharat Shreashtta Bharat

ദേശീയോദ്ഗ്രഥനത്തിന്റെ ഭാഗമായി കേന്ദ്ര സർക്കാർ ആവിഷ്കരിച്ച് നടത്തുന്ന പരിപാടിയാണ്‌ Ek Bharat Shreashtta Bharat. രാജ്യത്ത് നിലവിലുള്ള ഭാഷാവൈവിധ്യവുമായി ബന്ധപ്പെട്ട് കുട്ടികളിൽ ഭാഷാ ഐക്യം ഉണ്ടാക്കുന്നതിനായി നവംബർ 20 മുതൽ  ഡിസംബർ 21 വരെ ഭാഷാ സംഗം ആചരിക്കുകയാണ്‌. ഇന്ത്യയിൽ നിലവിലുള്ള 22 അംഗീക്യത ഭാഷകളും രാജ്യത്തെ മുഴുവൻ കുട്ടികൾക്കും പരിചയപ്പെടുത്തുന്നതിനായി ചുവടെ കൊടുത്തിരിക്കുന്ന മാർഗ്ഗനിർദ്ദേശങ്ങൾ , ബുക്ക് ലെറ്റ്  എന്നിവ പ്രകാരം തുടർ നടപടികൾ കൈക്കൊള്ളേണ്ടതാണ്‌.

 മാർഗ്ഗനിർദ്ദേശങ്ങൾ 

 ബുക്ക് ലെറ്റ്  

അശ്വമേധം

അശ്വമേധം കുഷ്ഠരോഗ നിർണ്ണയ പ്രചരണ പരിപാടി 2018- സ്കൂൾ വിദ്യാർത്ഥികളുടെ സ്ക്രീനിംഗും ബോധവത്കരണ പരിപാടികളും  സംബന്ധിച്ച് കണ്ണുർ ജില്ലാ മെഡിക്കൽ ഓഫീസറുടെ കത്തിനായി ഇവിടെ ക്ലിക്ക് ചെയ്യുക. പ്രസ്തുത കത്തിലെ നിർദ്ദേശങ്ങൾ കർശനമായി പാലിക്കേണ്ടതാണ്‌.

പാഠപുസ്തക വിതരണം

ഉപജില്ലയിലെ എല്ലാ സ്കൂളുകളും 2019-20 വർഷത്തേക്കാവശ്യമായ പുസ്തകങ്ങളുടെ ഓൺലൈൻ ഇൻഡന്റിംഗ് പൂർത്തിയാക്കി കൺഫേം ചെയ്തതായി  ഇന്ന് (28-11-2018) തന്നെ ഉറപ്പ് വരുത്തേണ്ടതാണ്‌.

                       അടുത്ത വർഷത്തേക്കാവശ്യമായ പുസ്തകങ്ങളുടെ  എണ്ണത്തിൽ  നിന്നും  ഓഫീസുകളിൽ നിലവിൽ സ്റ്റോക്കുള്ള 1,2,3 വോള്യം പുസ്തകങ്ങളുടെ എണ്ണം കുറച്ച് , ബാക്കിയുള്ള പുസ്തകങ്ങൾക്ക് മാത്രമേ പ്രിന്റിംഗ് ഓർഡർ നല്കുകയുള്ളുവെന്ന് പാഠപുസ്തക ഓഫീസർ അറിയിച്ചിട്ടുള്ളതിനാലും , നിലവിലെ 1,2,3 വോള്യം പുസ്തകങ്ങളുടെ  സ്റ്റോക്ക് തിട്ടപ്പെടുത്തി ഡിസംബർ 1നകം അയച്ചു കൊടുക്കേണ്ടതിനാലും , മുന്നാം വോള്യം പുസ്തകങ്ങളുടെ Excess/Shortage ലിസ്റ്റും , അധികമുള്ള മൂന്നാം വോള്യം പുസ്തകങ്ങളും   ഇന്ന് (28-11-2018) വൈകുന്നേരം 4 മണിക്ക് മുമ്പായി ഓഫീസിൽ എത്തിക്കേണ്ടതാണ്‌. ഇക്കാര്യത്തിൽ ഇനിയും  കാലതാമസം വരുത്തരുതെന്ന് പ്രത്യേകം ഓർമ്മിപ്പിക്കുന്നു.

അറിയിപ്പ്

നൂണ്മീൽ സോഫ്റ്റ് വെയറിൽ ബാക്ക് ഡേറ്റ് വിവരങ്ങൾ രേഖപ്പെടുത്തുന്നത്  ഉടൻ തന്നെ ബ്ലോക്ക് ചെയ്യുന്നതാണെന്ന് ഡി.പി.ഐ യിൽ നിന്നും അറിയിച്ചിട്ടുണ്ട്.

സ്കൂൾ ഉച്ചഭക്ഷണ പദ്ധതിയുടെ പുതിയ സോഫ്റ്റ് വെയറിൽ ആവശ്യമായ വിവരങ്ങൾ ഉൾപ്പെടുത്തിയിട്ടുണ്ടെന്ന സാക്ഷ്യപത്രം സമർപ്പിക്കാൻ ഈ ഓഫീസിൽ നിന്നും ആവശ്യപ്പെട്ടിട്ടും ഏതാനും സ്കൂളുകൾ ആയത് ഇതു വരെ സമർപ്പിച്ചു കാണുന്നില്ല.ആയതിനാൽ പ്രസ്തുത സ്കുളുകൾ 26-11-2018 ന്‌ വൈകുന്നേരം 5 മണിക്ക് മുമ്പായി സത്യപ്രസ്താവന സമർപ്പിക്കണമെന്ന് അറിയിക്കുന്നു.

വളരെ വളരെ അടിയന്തിരം

CWSN- FRESH LIST

2018-19 വർഷത്തിൽ സവിശേഷ സഹായം ആവശ്യമുള്ള  ഫ്രെഷ് വിഭാഗത്തില്പ്പെട്ട കുട്ടികളുടെ വിശദാംശങ്ങൾ 24-11-2018 ശനിയാഴ്ച 12 മണിക്ക് മുമ്പായി നിർദ്ദിഷ്ട പ്രൊഫോർമയിൽ നല്കേണ്ടതാണ്‌. പ്രസ്തുത വിദ്യാർത്ഥികളുടെ  മെഡിക്കൽ സർട്ടിഫിക്കറ്റിന്റെ പകർപ്പ് ,ആധാറിന്റെ പകർപ്പ് ,  ബാങ്ക് പാസ്സ് ബുക്കിന്റെ പകർപ്പ് എന്നിവ കൂടി സമർപ്പിക്കേണ്ടതാണ്‌. പ്രൊഫോർമയ്ക്കായി ഇവിടെ ക്ലിക്ക് ചെയ്യുക. എക്സൽ ഫോർമാറ്റ് , പി.ഡി.എഫ്  ഫോർമാറ്റ്

ഉച്ചഭക്ഷണ പദ്ധതി

രാഷ്ട്രപിതാവിന്റെ 150 മത് ജന്മവാർഷികം സമുചിതമായി ആചരിക്കുന്നതിന്റെ ഭാഗമായി സ്കൂൾ ഉച്ചഭക്ഷണ പദ്ധതിയിൻ കീഴിൽ 2018 ഒക്ടോബർ 2 മുതൽ 2019  ഒക്ടോബർ 2 വരെയുള്ള ഒരു വർഷക്കാലം വിവിധ പരിപാടികൾ സ്കൂൾ തലത്തിൽ സംഘടിപ്പിക്കുവാൻ നിർദ്ദേശിച്ചിട്ടുണ്ട്. പൊതുവിദ്യാഭ്യാസ ഡയറക്ടറുടെ കത്തിനായി ഇവിടെ ക്ലിക്ക് ചെയ്യുക. പ്രസ്തുത കത്തിലെ നിർദ്ദേശങ്ങൾ കർശനമായി പാലിക്കേണ്ടതാണ്‌.

ഇൻഡന്റിംഗ്-ആക്ടിവിറ്റി ബുക്ക് 

 2019-20 വർഷത്തേക്കാവശ്യമായ പുസ്തകങ്ങളുടെ ഇൻഡന്റിംഗ് ചെയ്യുന്ന സമയത്ത് ഒന്നും രണ്ടും ക്ലാസ്സുകളിലെ ആക്ടിവിറ്റി ബുക്കിനുള്ള ഇൻഡന്റ് കൂടി ചെയ്യേണ്ടതാണ്‌.നിലവിൽ ഇംഗ്ലീഷ് മീഡിയം പുസ്തകങ്ങളുടെ പട്ടികയിലാണ്‌ ആക്ടിവിറ്റി ബുക്ക് ഇൻഡന്റ് ചെയ്യുന്നതിനായി ഉൾപ്പെടുത്തിയിട്ടുള്ളത് എന്നതിനാൽ  മലയാളം മീഡിയം മാത്രമുള്ള സ്കൂളുകൾ ആക്ടിവിറ്റി ബുക്ക് ലഭിക്കുന്നതിനായി സ്കൂൾ പ്രൊഫൈലിൽ മലയാളത്തിനു പുറമേ ഇംഗ്ലീഷ് മീഡീയം കൂടി സെലക്ട് ചെയ്യുകയും ഇംഗ്ലീഷ് മീഡിയം പുസ്തകങ്ങളുടെ പട്ടികയിൽ നിന്നും ഒന്നും രണ്ടും ക്ലാസ്സുകളിലെ ആക്ടിവിറ്റി ബുക്ക് മാത്രം ഇൻഡന്റ് ചെയ്യേണ്ടതുമാണ്‌. ഇതിനോടകം ഇൻഡന്റിംഗ് പൂർത്തിയാക്കിയ സ്കൂളുകൾ റീസെറ്റ് ചെയ്യുന്നതിനായി 9946114125 എന്ന നമ്പറിൽ വിളിക്കുക.

ദിവസ വേതനം

ഉപജില്ലയിലെ ഗവ/എയിഡഡ് സ്കൂളുകളിൽ ദിവസ വേതനാടിസ്ഥാനത്തിൽ ജോലി ചെയ്തു വരുന്ന അദ്ധ്യാപകരുടെ പട്ടികയ്ക്കായി ഇവിടെ ക്ലിക്ക് ചെയ്യുക . പ്രസ്തുത പട്ടിക പരിശോധിച്ച് 20-11-2018 നുള്ളിൽ  തെറ്റുകൾ തിരുത്തേണ്ടതും വിട്ടുപോയ വിശദാംശങ്ങൾ ഉൾപ്പെടുത്തുകയും ചെയ്യേണ്ടതാണ്‌.

സംസ്ഥാന ശാസ്ത്ര മേള - ഐഡികാർഡ്

2018 -19 വർഷത്തെ സംസ്ഥാന ശാസ്ത്ര മേളയിൽ പങ്കെടുക്കാൻ അർഹത നേടിയ ജില്ലയിലെ വിദ്യാർത്ഥികളുടെ ഒരു യോഗം ഇരുപത്തി ഒന്നാം തീയതി ഉച്ചക്ക് 2 മണിക്ക് കണ്ണൂർ ശിക്ഷക് സദനിൽ വെച്ച് നടക്കുന്നു. അന്നേ ദിവസം മുഴുവൻ വിദ്യാർത്ഥികളും ഇതോടൊപ്പമുള്ള ഐഡികാർഡ് രണ്ടു കോപ്പി പൂരിപ്പിച്ച് ഫോട്ടോയിൽ പ്രധാനാധ്യാപകൻ ഒപ്പു വച്ച്  കൊണ്ടുവരേണ്ടതാണ് . 

ID CARD FORMAT

ഉച്ചഭക്ഷണ പദ്ധതി

സ്കൂളുകളിൽ ഉച്ചഭക്ഷണം മുടങ്ങാതെ ലഭ്യമാക്കുന്നത് സംബന്ധിച്ച് പൊതുവിദ്യാഭ്യാസ ഡയറക്ടറുടെ സർക്കുലറിനായി ഇവിടെ ക്ലിക്ക് ചെയ്യുക.

QUAMI EKTA WEEK

2018 നവംബർ 19 മുതൽ 25 വരെ ക്വാമി ഏകതാ വാരമായി ആചരിക്കുന്നതുമായി ബന്ധപ്പെട്ട് വിശദമായ മാർഗ്ഗനിർദ്ദേശങ്ങൾക്കായി ഇവിടെ ക്ലിക്ക് ചെയ്യുക.

നവോദയാ പ്രവേശനം

2019 വർഷത്തിൽ ജവഹർ നവോദയാ വിദ്യാലയത്തിലെ ആറാം ക്ലാസ്സിലേക്കുള്ള പ്രവേശനത്തിന്‌ ഓൺലൈൻ അപേക്ഷ സമർപ്പിക്കുന്നതിനുള്ള അവസാന തീയതി 30-11-2018 ആണ്‌. ഇപ്പോൾ അഞ്ചാം ക്ലാസ്സിൽ പഠിക്കുന്നതും  1-5-2006 നും 30-4-2010 നും ഇടയിൽ ജനിച്ച വിദ്യാർത്ഥികൾക്ക് അപേക്ഷ സമർപ്പിക്കാവുന്നതാണ്‌.

അറിയിപ്പ്

ത്യശ്ശൂർ ജില്ലയിലെ കൈപ്പമംഗലം മണ്ഡലത്തിലെ  സ്കൂളുകളിൽ കുട്ടികൾ പ്ലാസ്റ്റിക് കുപ്പികൾ ശേഖരിച്ച് വിറ്റ് കൊണ്ട് പ്രളയ ദുരിതാശ്വാസ പ്രവർത്തനങ്ങളിൽ സഹായം നല്കിയ മാത്യക സംസ്ഥാനത്തെ എല്ലാ സ്കൂളുകളിലും നടപ്പിലാക്കുന്നതിന്റെ ഭാഗമായി ഈ മാസം 15 മുതൽ 23 വരെ   കുട്ടികൾ സ്കൂളുകളിൽ നിന്നും അവരുടെ വീടുകളിൽ നിന്നും ശേഖരിക്കുന്ന  പ്ലാസ്റ്റിക് കുപ്പികൾ സ്കൂൾ പ്രവർത്തനങ്ങളെ ബാധിക്കാത്ത രീതിയിൽ സ്കൂളുകളിൽ ശേഖരിച്ച് സൂക്ഷിക്കേണ്ടതും  ഈ മാസം 24 മുതൽ കേരള സ്ക്രാപ്പ് മർച്ചന്റ് അസോസിയേഷൻ പ്രവർത്തകർ  വില നല്കിക്കൊണ്ട് സ്കൂളുകളിൽ നിന്നും ഇവ ഏറ്റെടുക്കുന്നതുമായിരിക്കും.

കൂടുതൽ വിശദാംശങ്ങൾക്കും ഗ്രീൻ പ്രോട്ടോക്കോൾ പാലിക്കുന്നത് സംബന്ധിച്ചും പൊതുവിദ്യാഭ്യാസ ഡയറക്ടറുടെ സർക്കുലറിനായി ഇവിടെ ക്ലിക്ക് ചെയ്യുക. 

വളരെ അടിയന്തിരം

പാഠപുസ്തക വിതരണം

ഇതു വരെ ലഭിച്ച മൂന്നാം വോള്യം പാഠപുസ്തകങ്ങളുടെ എണ്ണം അടിയന്തിരമായി വെബ്സൈറ്റിൽ രേഖപ്പെടുത്തേണ്ടതും  ആയത് വിതരണം പൂർത്തിയാക്കി അധികമായുള്ള   മൂന്നാം വോള്യം പാഠപുസ്തകങ്ങളും Excess/Shortage ലിസ്റ്റും 17-11-2018 ന്‌ ഉച്ചയ്ക്ക് 2 മണിക്ക് ഓഫീസിൽ എത്തിക്കേണ്ടതാണ്‌. 

ടോയ്‌ലറ്റ് സൗകര്യങ്ങൾ

സ്കൂളുകളിൽ   നിലവിലുള്ള ടോയ്‌ലറ്റ് സൗകര്യങ്ങളേക്കൂറിച്ചുള്ള  വിവരശേഖരണത്തിനായി നവംബർ 5 ന്‌ ബ്ലോഗിൽ നല്കിയ ഗൂഗിൾ ഫോമിൽ ഇനിയും വിവരം രേഖപ്പെടുത്തിയിട്ടില്ലാത്ത സ്കൂളുകളുടെ പട്ടികയ്ക്കായി  ഇവിടെ ക്ലിക്ക് ചെയ്യുക. പ്രസ്തുത സ്കൂളുകൾ 15-11-2018 ന്‌ വൈകുന്നേരം 3 മണിക്ക് മുമ്പായി ആവശ്യമായ രേഖപ്പെടുത്തലുകൾ വരുത്തേണ്ടതാണ്‌.

മലയാളത്തിളക്കം

മലയാളത്തിളക്കം പദ്ധതിയിൽ ഉൾപ്പെട്ട കുട്ടികളുടെ ക്ലാസ്സ് തിരിച്ചുള്ള എണ്ണം  ഇതോടൊപ്പമുള്ള ഗൂഗിൾ ഷീറ്റിൽ 15-11-2018 വ്യാഴാഴ്ച 12 മണിക്ക് മുമ്പായി രേഖപ്പെടുത്തി നല്കേണ്ടതാണ്‌. ആയത് കൺസോളിഡേറ്റ് ചെയ്ത് 2 മണിക്ക് മുമ്പായി ജില്ലാ വിദ്യാഭ്യാസ ഓഫീസറുടെ കാര്യാലയത്തിലേക്ക് അയച്ചു കൊടുക്കേണ്ടതിനാൽ സമയക്രമം കർശനമായി പാലിക്കേണ്ടതാണ്‌. ഗൂഗിൾ ഷീറ്റിനായി ഇവിടെ ക്ലിക്ക് ചെയ്യുക.

ശ്രദ്ധ

ശ്രദ്ധ പദ്ധതിയിൽ ഉൾപ്പെട്ട കുട്ടികളുടെ ക്ലാസ്സ് തിരിച്ചുള്ള എണ്ണം ഇതോടൊപ്പമുള്ള ഗൂഗിൾ ഷീറ്റിൽ 15-11-2018 വ്യാഴാഴ്ച 12 മണിക്ക് മുമ്പായി രേഖപ്പെടുത്തി നല്കേണ്ടതാണ്‌. ആയത് കൺസോളിഡേറ്റ് ചെയ്ത് 2 മണിക്ക് മുമ്പായി ജില്ലാ വിദ്യാഭ്യാസ ഓഫീസറുടെ കാര്യാലയത്തിലേക്ക് അയച്ചു കൊടുക്കേണ്ടതിനാൽ സമയക്രമം കർശനമായി പാലിക്കേണ്ടതാണ്‌. ഗൂഗിൾ ഷീറ്റിനായി ഇവിടെ ക്ലിക്ക് ചെയ്യുക.

ടെക്സ്റ്റ് ബുക്ക് ഇൻഡന്റിംഗ് 2019-20

2019-20 വർഷത്തേക്കാവശ്യമായ പാഠപുസ്തകങ്ങളുടെ ഇൻഡന്റിംഗ് 12-11-2018 മുതൽ 27-11-2018 വരെ ഒറ്റത്തവണയായി ചെയ്യാവുന്നതാണ്‌. 27-11-2018 നു ശേഷം തിരുത്തലുകൾ വരുത്തുന്നതിനും എഡിറ്റിംഗിനും യാതൊരു കാരണ വശാലും സമയം അനുവദിക്കുന്നതല്ല. സർക്കുലറിനായി ഇവിടെ ക്ലിക്ക് ചെയ്യുക.

നിർദ്ദേശങ്ങൾ

1)  www.kite.kerala.gov.in എന്ന വെബ്സൈറ്റിലെ Text Book Monitoring System 2019 എന്ന ലിങ്കിൽ ക്ലിക്ക് ചെയ്ത് സമ്പൂർണ്ണയിലെ  യൂസർ നെയിമും പാസ്സ് വേർഡും ഉപയോഗിച്ച് ലോഗിൻ ചെയ്യാവുന്നതാണ്‌.

2)തുടർന്ന് സ്കൂൾ ഏത് സൊസൈറ്റിയുടെ കീഴിലാണ്‌  വരുന്നതെന്ന് ക്ലിക്ക് ചെയ്ത്  തെരെഞ്ഞെടുക്കേണ്ടതാണ്‌.

3)അതിനു ശേഷം ഇൻഡന്റ് ഫോം ലിങ്കിൽ ക്ലിക്ക് ചെയ്ത് സ്റ്റാൻഡേർഡ് സെലക്ട് ചെയ്യുമ്പോൾ അതാത് സ്റ്റാൻഡേർഡിൽ വരുന്ന ടൈറ്റിലുകൾ ലഭ്യമാകും.ഇതിൽ Number of books required എന്ന കോളത്തിൽ  ഓരോ ടൈറ്റിലിലും വേണ്ട ബുക്കുകളുടെ എണ്ണം 3 വോള്യങ്ങളിലും എന്റർ ചെയ്ത് സേവ് ചെയ്യേണ്ടതാണ്‌. പല സ്കൂളുകളും രണ്ടും മൂന്നും  വോള്യങ്ങൾ ചെയ്യാറില്ലെന്ന് ശ്രദ്ധയില്പ്പെട്ടിട്ടുണ്ട്.

4)2018-19 വർഷത്തെ ആറാം പ്രവർത്തി  ദിവസത്തെ കുട്ടികളുടെ എണ്ണം അനുസരിച്ച് ഇൻഡന്റ് ചെയ്താൽ മതിയാകും. 2019-20 വർഷത്തെ പുതിയ അഡ്മിഷൻ പ്രകാരം  കൂടുതൽ പുസ്തകങ്ങൾ ആവശ്യമെങ്കിൽ  അതനുസരിച്ച് ഇൻഡന്റ് ക്രമീകരിക്കുന്നതിനായി 2019 ജൂൺ 12 മുതൽ 20 അവസരം നല്കുന്നതാണ്‌. ( പാഠപുസ്തകങ്ങളുടെ പുനക്രമീകരണത്തിനു ശേഷം  , പ്രത്യേകിച്ചും  1 , 5 , 8 ക്ലാസ്സുകളിലെ പുസ്തകങ്ങൾ  ഓഫീസ് വരാന്തയിൽ കെട്ടിക്കിടക്കുന്നത് ശ്രദ്ധിച്ചിട്ടുണ്ടാകുമല്ലോ. ശരിയായ രീതിയിൽ ഇൻഡന്റ് ചെയ്താൽ ഇത്തരം പാഴ്ചെലവുകൾ നിയന്ത്രിക്കാവുന്നതാണ്‌)

5) Academic / Oriental   വിഭാഗങ്ങളുള്ള പുസ്തകങ്ങളിൽ  Oriental വിഭാഗത്തിലുള്ള പുസ്തകങ്ങൾ  ഇൻഡന്റ് ചെയ്യാൻ പാടില്ല. Academic  വിഭാഗം പുസ്തകങ്ങൾ മാത്രമേ ഇൻഡന്റ് ചെയ്യാൻ പാടുള്ളു.

6) ഓരോ ക്ലാസ്സിലും കുറഞ്ഞത് 2 ഡിവിഷനുണ്ടെങ്കിൽ മാത്രമേ ഒരു ഡിവിഷനിൽ  ഇംഗ്ളീഷ് മീഡിയം ആരംഭിക്കാൻ പാടുള്ളൂ.ഓരോ ക്ലാസ്സിലും ഒരു മലയാളം ഡിവിഷൻ നിർബന്ധമായും ഉണ്ടായിരിക്കണം. അടുത്ത അധ്യയന വർഷത്തിൽ ഇംഗ്ലീഷ് മീഡിയം ആരംഭിക്കുന്നുണ്ടെങ്കിൽ ബന്ധപ്പെട്ടവരുമായി ആവശ്യമായ കൂടിയാലോചനകൾ നടത്തിയതിനുശേഷം 27-11-2018 നുള്ളിൽ ഇൻഡന്റ് ചെയ്യേണ്ടതാണ്‌ . ഇപ്പോൾ ഇംഗ്ലീഷ് മീഡിയം പുസ്തകങ്ങൾ  ഇൻഡന്റ് ചെയ്യാതെ , അടുത്ത അധ്യയന വർഷത്തിൽ സ്കൂൾ തുറന്നതിനുശേഷം ഇംഗ്ലീഷ് മീഡിയം പുസ്തകങ്ങൾക്ക് ആവശ്യമുന്നയിക്കുന്നത് അനുവദിക്കില്ല.

7) ഇൻഡന്റ് ചെയ്തതിനുശേഷവും , 2019 ജൂണിൽ  അഡീഷണൽ ഇൻഡന്റ് ചെയ്തതിനുശേഷവും കൺഫേം ചെയ്യാൻ പ്രത്യേകം ശ്രദ്ധിക്കേണ്ടതാണ്‌.

8) 9,10 ക്ലാസ്സുകളിൽ  പാഠപുസ്തകങ്ങൾക്ക്  മാറ്റമുള്ളതിനാൽ ഇൻഡന്റിംഗ് സമയത്ത് ക്യത്യമായ എണ്ണം രേഖപ്പെടുത്തേണ്ടതാണ്‌

9) 9, 10 ക്ലാസ്സുകളിലെ അതാത് വിഷയങ്ങളെടുക്കുന്ന അധ്യാപകരുടെ എണ്ണത്തിനനുസരിച്ച് ഓരോ അധ്യാപകർക്കും ഒരു ബുക്ക് വീതം അധികമായി ഇൻഡന്റ് ചെയ്യാവുന്നതാണ്‌.

കലോല്‍സവം - സ്റ്റേജിതര ഇനം അപ്പീല്‍

ഉപജില്ലാ കലോല്‍സവവുമായി ബന്ധപ്പെട്ട് സ്റ്റേജിതര ഇനങ്ങളില്‍ സമര്‍പ്പിക്കപ്പെട്ട അപ്പീലില്‍ ഹിയറിംഗ് 12/11/2018 തിങ്കളാഴ്ച കാലത്ത് 11 മണി മുതല്‍  തലശ്ശേരി ജില്ലാ വിദ്യാഭ്യാസ ഓഫിസില്‍ വച്ച് നടത്തപ്പെടുകയാണ്. എല്ലാ മല്‍സരാര്‍ത്ഥികളെയും ഈ വിവരം അറിയിക്കേണ്ടതാണ്.

DAILY DATA

ഉച്ചഭക്ഷണ പദ്ധതിക്കായി പുതിയ സോഫ്റ്റ് വെയര്‍ വികസിപ്പിച്ചെടുത്തിട്ടുണ്ടെങ്കിലും  എം.എച്ച്.ആര്‍.ഡിയ്ക്ക് എല്ലാ ദിവസവും ഉച്ചഭക്ഷണം കഴിക്കുന്ന കുട്ടികളുടെ കണക്ക് പഴയ രീതിയില്‍ തന്നെ നല്‍കേണ്ടതുണ്ട്.  ആയതിനാല്‍ ഈ ആഫീസില്‍ നിന്നും ഒരു അറിയിപ്പ് ഉണ്ടാകുന്നതുവരെ  എല്ലാ സ്കൂളുകളും  DAILY DATA  (ഓരോ ഉച്ചഭക്ഷണം കഴിക്കുന്ന ആണ്‍കുട്ടികളുടെയും പെണ്‍കുട്ടികളുടെയും എണ്ണം) https://www.transferandpostings.in/mdmms എന്ന ലിങ്കില്‍ കയറി  എല്ലാ ദിവസവും മുടക്കം കൂടാതെ ചെയ്യുന്നുണ്ടെന്ന്  ഉറപ്പ് വരുത്തേണ്ടതാണ്.

പ്രീമെട്രിക് സ്കോളർഷിപ്പ്

Prematric minority scholarship , Prematric disability scholarship , NMMS എന്നീ സ്കോളർഷിപ്പുകളുടെ  വേരിഫിക്കേഷൻ 12-11-2018 നുള്ളിൽ പൂർത്തിയാക്കേണ്ടതാണ്‌. ഉപജില്ലയിലെ 50 ലധികം വിദ്യാലയങ്ങൾ  ഇനിയും വെരിഫിക്കേഷൻ പൂർത്തിയാക്കിയിട്ടില്ലായെന്ന്  ഡി.ഡി.ഇ യിൽ നിന്നും അറിയിച്ചിട്ടുണ്ട്.ഇക്കാര്യത്തിൽ വീഴ്ച വരുത്തുന്നവരുടെ പേര്‌ വിവരങ്ങൾ ഡി.പി.ഐ യുടെ കാര്യാലയത്തിലേക്ക് അയച്ചു കൊടുക്കുവാൻ  ആവശ്യപ്പെട്ടിട്ടുള്ളതിനാൽ വെരിഫിക്കേഷൻ സമയബന്ധിതമായി പൂർത്തിയാക്കുവാൻ കർശ്ശന നിർദ്ദേശം നല്കിക്കൊള്ളുന്നു.അർഹതപ്പെട്ട ഏതെങ്കിലും ഒരു വിദ്യാർത്ഥിക്ക് സ്കോളർഷിപ്പ് ലഭിക്കാതെ വരുന്ന സാഹചര്യം ഉണ്ടായാൽ ആയതിന്റെ പൂർണ്ണ ഉത്തരവാദിത്തം ബന്ധപ്പെട്ട പ്രധാനാദ്ധ്യാപകനായിരിക്കുമെന്ന് ഒരിക്കല്ക്കൂടി ഓർമ്മിപ്പിക്കുന്നു.

Pending List - Fresh , Renewal

മേൽ പട്ടികയിൽ ഉൾപ്പെടാത്ത സ്കൂളുകളും പ്രസ്തുത സൈറ്റിൽ ഒരിക്കല്ക്കൂടി  ലോഗിൻ ചെയ്ത് ഇതുവരെ ലഭിച്ച എല്ലാ ഫ്രെഷ്/റിന്യൂവൽ അപേക്ഷകളും  വെരിഫൈ ചെയ്തതായി ഉറപ്പ് വരുത്തേണ്ടതാണ്‌.

അറിയിപ്പ്

ജില്ലാ ശാസ്ത്രോത്സവത്തിന്റെ രജിസ്ട്രേഷൻ 8-11-2018 ന്‌ രാവിലെ 11 മണി മുതൽ 3 മണി വരെ തളിപ്പറമ്പ് മൂത്തേടത്ത് ഹൈസ്കൂളിൽ വെച്ച് നടക്കുന്നതായിരിക്കും.

ടോയ്‌ലറ്റ് സൗകര്യങ്ങൾ
ഓരോ സ്കൂളിലും വിദ്യാർത്ഥികളുടെ എണ്ണത്തിനാനുപാതികമായ ടോയ്‌ലറ്റ് സൗകര്യങ്ങൾ ഉറപ്പു വരുത്തേണ്ടതാണ്‌.വിശദാംശങ്ങൾ ചുവടെ കൊടുത്തിരിക്കുന്നു.
വിദ്യാർത്ഥികളുടെ എണ്ണം	കക്കൂസിന്റെ എണ്ണം
	പെൺകുട്ടികൾ	ആൺകുട്ടികൾ
30ൽ കൂറവ്	2	1
50ൽ കൂറവ്	3	2
70ൽ കൂറവ്	3	2
100ൽ കൂറവ്	5	3
150ൽ കൂറവ്	6	3
200ൽ കൂറവ്	8	3
ഫ്ളഷ് ഔട്ട് സമ്പ്രദായം നിലവിലുള്ളിടത്ത് താഴെക്കൊടുത്തിരിക്കുംവിധമായിരിക്കണം എണ്ണം
വിദ്യാർത്ഥികളുടെ എണ്ണം	കക്കൂസിന്റെ എണ്ണം
	പെൺകുട്ടികൾ	ആൺകുട്ടികൾ
25	1	1
50	2	1
75	3	2
100	4	2
150	6	3
200	8	4
300	10	5
500	16	8
ഇത് കൂടാതെ  100 ആൺകുട്ടികൾക്ക് 6 എണ്ണം എന്ന നിരക്കിൽ മൂത്രപ്പുരകളും ഉണ്ടായിരിക്കേണ്ടതാണ്‌. എല്ലാ പ്രധാനാദ്ധ്യാപകരും അവരവരുടെ സ്കൂളുകളിൽ ഈ അനുപാതത്തിൽ  കക്കൂസ് , മൂത്രപ്പുര എന്നിവ ഉണ്ട് എന്ന് ഉറപ്പുവരുത്തേണ്ടതും കുറവുള്ള പക്ഷം ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളുമായി ചേർന്ന് ടി വിഷയം പരിഹരിക്കേണ്ടതാണ്‌.
സ്കൂളുകളിലെ  നിലവിലെ ടോയ്‌ലറ്റുകളുടെ എണ്ണം രേഖപ്പെടുത്തുന്നതിനായി ഇവിടെ ക്ലിക്ക് ചെയ്യുക

ഉച്ചഭക്ഷണ പരിപാടി

Daily Data upload ചെയ്യുന്നതിൽ  കണ്ണൂർ ജില്ല ഏറ്റവും പുറകിൽ ആണെന്ന് ഡി.പി.ഐ യിൽ നിന്നും അറിയിച്ചിരിക്കുന്നു. ആയതിനാൽ എല്ലാ സ്കൂളുകളും ഇത് വരെയുള്ള Daily Data upload ചെയ്യുന്നതിനുള്ള അടിയന്തിര നടപടികൾ കൈക്കൊള്ളേണ്ടതാണ്‌.ഇക്കാര്യത്തിൽ നിരന്തരം ഓർമ്മിപ്പിക്കേണ്ടിവരുന്ന സാഹചര്യം ഒഴിവാക്കേണ്ടതാണ്‌.

District IT Fair – Quiz

2018-19 അധ്യയന വര്‍ഷത്തെ ജില്ലാ തല ഐ.ടി ക്വിസ് മത്സരം 05-11-2018 (തിങ്കളാഴ്ച) കണ്ണൂര്‍ കൈറ്റിന്റെ ജില്ലാ ഓഫീസില്‍ വച്ച് [ജി.വി.എച്ച്.എസ്സ്.എസ്സ്(സ്പോര്‍ട്സ്) ] താഴെ പറയുന്ന സമയക്രമത്തില്‍ നടത്താന്‍ തീരുമാനിച്ചിരിക്കുന്നു. മത്സരത്തില്‍ പങ്കെടുക്കേണ്ട വിദ്യാര്‍ത്ഥികള്‍ക്ക് പങ്കെടുക്കാനാവശ്യമായ നിര്‍ദ്ദേശം നല്‍കണമെന്ന് അഭ്യര്‍ത്ഥിക്കുന്നു.

ഐ.ടി ക്വിസ് മത്സര സമയക്രമം
തീയ്യതി : 05-11-2018 (തിങ്കള്‍)
ഹൈസ്ക്കൂള്‍ വിഭാഗം (HS)	രാവിലെ 10.30 ന്
ഹയര്‍സെക്കണ്ടറി വിഭാഗം (HSS/VHSE)	ഉച്ചക്ക് 2.00 ന്

കൈറ്റ് മാസ്റ്റർമാർക്കുള്ള ദ്വിദിന പരിശീലനം(രണ്ടാം ഘട്ടം)

ഹൈസ്കൂൾ വിഭാഗം വിദ്യാലയങ്ങളിൽ രൂപീകരിച്ചിട്ടുള്ള ലിറ്റിൽ കൈറ്റ് യൂണിറ്റിലെ കൈറ്റ് മാസ്റ്റർ/മിസ്ട്രസ്സ് മാർക്കുള്ള ദ്വിദിന പരിശീലനം (രണ്ടാം ഘട്ടം) നവംബർ 5 തിങ്കളാഴ്ച ആരംഭിക്കുന്നു.ഓരോ ലിറ്റിൽ കൈറ്റ് യൂണിറ്റിൽ നിന്നും ഒരു കൈറ്റ് മാസ്റ്റർ / മിസ്ട്രസ്സ് (സെപ്തംബർ മാസത്തിൽ നടത്തിയ പരിശീലനത്തിൽ പങ്കെടുക്കാത്തവർ) പരിശീലനത്തിൽ പങ്കെടുക്കേണ്ടതാണ്‌. കൂത്തുപറമ്പ് ഉപജില്ലയിലെ കൈറ്റ് മാസ്റ്റർമാർ പരിശീലനത്തിനായി അന്നേ ദിവസം രാവിലെ 9.30 ന്‌ ജി.എച്ച്.എസ്.എസ് ചാവശ്ശേരിയിൽ എത്തിച്ചേരേണ്ടതാണ്‌. പരിശീലനത്തിനായി വരുന്നവർ ലാപ്ടോപ്പ് , മൊബൈൽ ഡാറ്റാ കേബിൾ , പെൻഡ്രൈവ് എന്നിവ നിർബന്ധമായും കൊണ്ടു വരേണ്ടതാണ്‌.

ഉച്ചഭക്ഷണ പരിപാടി

ഉച്ചഭക്ഷണ പദ്ധതിയുടെ ഭാഗമായി തയ്യാറാക്കിയ  പുതിയ സോഫ്റ്റ് വെയറിൽ രേഖപ്പെടുത്തുന്നതിലേക്കായി എല്ലാ സ്കൂളുകളുടേയും 31-3-2018 ലെ ബാലൻസ് തുക ഇതോടൊപ്പമുള്ള പ്രൊഫോർമയിൽ രേഖപ്പെടുത്തി ആയതിന്റെ രണ്ട് കോപ്പിയും  , ബാങ്ക് പാസ്സ് ബുക്ക് / ബാങ്ക് സ്റ്റേറ്റ്മെന്റ്  -ന്റെ  പകർപ്പും സഹിതം 5-11-2018 നുള്ളിൽ നൂണ്മീൽ ഓഫീസർ/സെക്ഷൻ ക്ലാർക്ക് മുമ്പാകെ നേരിട്ട് ഹാജരാകേണ്ടതാണ്‌. പ്രൊഫോർമയ്ക്കായി ഇവിടെ ക്ലിക്ക് ചെയ്യുക. പ്രസ്തുത പ്രൊഫോർമകൾ പൊതുവിദ്യാഭ്യാസ ഡയറക്ടറേറ്റിലെ നൂണ്മീൽ വിഭാഗത്തിലെ ജീവനക്കാർ ഈ ഓഫീസിൽ നിന്നും നേരിട്ട് ശേഖരിക്കുന്നതിനാൽ ഇക്കാര്യത്തിൽ കാലതാമസ്സം വരുത്തരുതെന്ന് ഓർമ്മിപ്പിക്കുന്നു. 

കിക്കോഫ്

2007 ലും 2008 ലും ജനിച്ച കുട്ടികൾക്കായുള്ള “കിക്കോഫ്” ഫുട്ബോൾ പരിശീലന പദ്ധതിയിൽ രജിസ്റ്റർ ചെയ്യുന്നതിനുള്ള അവസാന തീയതി 31-10-2018 ആണ്‌.വിശദാംശങ്ങൾക്കായി ഇവിടെ ക്ലിക്ക് ചെയ്യുക.

നവകേരള നിർമ്മിതി

നവംബർ 1 കേരളപ്പിറവി ദിനത്തിൽ നടത്തുന്ന കുട്ടികൾക്കായുള്ള കാമ്പയിൻ സംബന്ധിച്ച് പൊതുവിദ്യാഭ്യാസ ഡയറക്ടറുടെ നിർദ്ദേശങ്ങൾക്കായി ഇവിടെ ക്ലിക്ക് ചെയ്യുക.

Rashtriya Sankalp Diwas

 ഒക്ടോബർ 31 ന്‌ Rashtiya Sankalp Diwas  ആയി ആചരിക്കുന്നതിന്റെ ഭാഗമായി സ്കൂളുകളിൽ കൈക്കോള്ളേണ്ട നടപടികൾ സംബന്ധിച്ച സർക്കുലർ , പ്രതിജ്ഞ എന്നിവയ്ക്കായി ഇവിടെ ക്ലിക്ക് ചെയ്യുക.

അറിയിപ്പ്

31-10-2018 ബുധനാഴ്ച രാവിലെ 10 മണിക്ക് HM കോൺഫറൻസ് ഉണ്ടായിരിക്കുന്നതാണ്‌.എല്ലാവരും ക്യത്യസമയത്ത് തന്നെ യോഗത്തിൽ പങ്കെടുക്കേണ്ടതാണ്‌.

ശാസ്ത്രമേള

2018-19 വർഷത്തെ കൂത്തുപറമ്പ് ഉപജില്ലാതല ശാസ്ത്രമേളയുടെ റിസൽട്ടിനായി ഇവിടെ ക്ലിക്ക് ചെയ്യുക

School Library - വായനയുടെ വസന്തം

2018 -19 വർഷത്തിൽ സംസ്ഥാനത്തെ സർക്കാർ ഹൈസ്കൂളിലും സർക്കാർ യു. പി സ്കൂളുകളിലും ലൈബ്രറി പുസ്തകങ്ങൾ നൽകുന്നതിന് 08 .10 .2018 ലെ DPI /80645 /2018 /2018 -SP എന്ന സർക്കുലർ പ്രകാരം ഓൺലൈൻ മുഖേന ഇൻഡൻറ് സമർപ്പിക്കുന്നതിനുള്ള മാർഗ നിർദേശങ്ങൾ നൽകിയിരുന്നു. ഈ മാസം 12  ന് മുൻപ് ഇൻഡൻറ് പൂർത്തിയാക്കണമെന്ന നിർദേശമാണ് ആദ്യം നൽകിയത്. ഈ തീയതി 25 വരെ നൽകി വീണ്ടും  അറിയിപ്പ് നൽകിയിരുന്നു. എന്നിരുന്നാലും നാലിൽ ഒരു ഭാഗം സ്കൂളുകൾ മാത്രമാണ് ഇൻഡൻറ് സമർപ്പിച്ചിട്ടുള്ളത്.ആയതിനാൽ എല്ലാ ബന്ധപ്പെട്ട സ്കൂളുകളും  30.10.2018  ന്  മണിക്ക് മുൻപ് ഇൻഡന്റ് ചെയ്യുന്നുണ്ടെന്ന് പ്രധാനാദ്ധ്യാപകർ  ഉറപ്പു വരുത്തേണ്ടതാണ്.

സാമുഹ്യ ശാസ്ത്ര മേള അറിയിപ്പ് 

1.[10/26, 10:44 AM] ‪+91 94957 67404‬: പൊതു വിദ്യാഭ്യാസ വകുപ്പ് സാമൂഹ്യ ശാസ്ത്രകൗൺസിലിന്റെ ബാനറിൽ ഹൈസ്ക്കൂൾ വിദ്യാർത്ഥികൾക്കായി നടത്തുന്ന ജില്ലാതല വാർത്താ വായനാ മത്സരം നവംബർ ഒന്നാം തീയ്യതി വ്യാഴാഴ്ച രാവിലെ 9.30ന് ചൊവ്വ ഹയർ സെക്കന്ററി സ്കൂളിൽ വെച്ച് നടക്കുന്നതാണ്. സബ് ജില്ലാതല വാർത്താ വായനമത്സരത്തിൽ ഒന്നും രണ്ടും സ്ഥാനം നേടിയ വിദ്യാർത്ഥികൾ അതത്AEO / സബ് ജില്ലാ സെക്രട്ടറിമാരുടെ സാക്ഷ്യപത്രവുമായി കൃത്യ സമയത്ത് എത്തിച്ചേരേണ്ടതാണ്.

2.[10/26, 10:44 AM] ‪+91 94957 67404‬: ജില്ലാതല വാർത്താ വായനാ മത്സരത്തിന്റെ മുന്നോടിയായി സബ് ജില്ലാ മത്സരത്തിലെ ഒന്നും രണ്ടും സ്ഥാനം നേടിയവ വിദ്യാർത്ഥികൾക്ക് ഒരു പരിശീലന ക്ലാസ്സ് ജില്ലാ സാമൂഹ്യ ശാസ്ത്രകൗൺസിൽ സംഘടിപ്പിക്കുന്നു. 29.10-18ന് തിങ്കളാഴ്ച രാവിലെ 9.30ന് കണ്ണൂർ നോർത്ത് BRC ഹാളിൽ നടക്കുന്ന പരിശീലന ക്ലാസ്സിൽ മുഴുവൻ സബ് ജില്ലാ വിജയികളും (ഒന്നും രണ്ടും സ്ഥാനക്കാർ ) പങ്കെടുക്കേണ്ടതാണ്

3.[10/26, 10:44 AM] ‪+91 94957 67404‬ : 29 -10 - 18 ന് തിങ്കളാഴ്ച 2 മണിക്ക്ജില്ലാ സാമുഹ്യ ശാസ്ത്രകൗൺസിൽ യോഗം കണ്ണൂർ  DD Office കോമ്പൗണ്ടിൽ നടക്കുന്നതാണ് മുഴുവൻ സബ് ജില്ലാ സെക്രട്ടറിമാരും യോഗത്തിൽ കൃത്യസമയത്ത് തന്നെ പങ്കെടുക്കേണ്ടതാണ്.

4.[10/26, 10:44 AM] ‪+91 94957 67404‬: 2018-19 ലെ ശാസ്ത്രോത്സവ സംഘാടക സമിതി 29-10-18ന് രാവിലെ 11മണിക്ക് കണ്ണർ ജില്ലാ പഞ്ചായത്ത് ഹാളിൽ ചേരുന്നു. മുഴുവൻ സബ് ജില്ലാ സെക്രട്ടറി മാരും സംഘാടക സമിതി യോഗത്തിൽ പങ്കെടുക്കണമെന്ന് ജില്ലാ സാമൂഹ്യ ശാസ്ത്രകൗൺസിലിനു വേണ്ടി അഭ്യർത്ഥിക്കുന്നു.

               

                                                                    ഒപ്പ്/-

                                             വിദ്യാഭ്യാസ ഉപ ഡയറക്ടര്‍

                                                                   കണ്ണൂര്‍

                                                             കണ്ണൂര്‍- 670002

                                                       ഫോണ്‍ : 04972-705149

അറിയിപ്പ്

പുതിയ നൂണ്മീൽ സോഫ്റ്റ്.വെയർ സംബന്ധിച്ച് പ്രധാനാദ്ധ്യാപകർ നേരിടുന്ന ബുദ്ധിമുട്ടുകൾ dpinoonmeal@gmail.com എന്ന ഇ-മെയിൽ വിലാസത്തിലേക്ക്  മൊബൈൽ നമ്പർ സഹിതം അയച്ചു കൊടുത്താൽ  ആയത് പരിഹരിച്ച് നല്കുന്നതാണ്‌. 

വായനയുടെ വസന്തം

സംസ്ഥാനത്തെ സർക്കാർ യു.പി / ഹൈസ്കൂളുകൾക്കു ലൈബ്രറി പുസ്തകങ്ങൾ നൽകുന്നതിനുള്ള സംവിധാനം ഒരുക്കുകയും നടപടിക്രമങ്ങൾ വിശദീകരിച്ചു കൊണ്ട് സർക്കുലർ നൽകുകയും ചെയ്തിട്ടുണ്ട്.ഇനിയും ഇൻഡന്റ് നല്കിയിട്ടില്ലാത്ത സ്കൂളുകൾ ഇൻഡന്റ് നൽകേണ്ട അവസാന തീയതി 25.10.2018  - 5 pm 

വളരെ അടിയന്തിരം

ഇംഗ്ലീഷ് പരിശീലനം

പ്രൈമറി വിഭാഗത്തിൽ ഇംഗ്ലീഷ് പഠിപ്പിക്കുന്ന അദ്ധ്യാപകർക്കായി ബാംഗ്ലൂർ റീജിയണൽ ഇൻസ്റ്റിറ്റ്യൂട്ട് ഓഫ് ഇംഗ്ലീഷ് 12-11-2018 മുതൽ 11-12-2018 വരെ 30 ദിവസം ദൈർഘ്യമുള്ള അധ്യാപക പരിശീലനം സംഘടിപ്പിക്കുന്നു.പ്രസ്തുത പരിശീലന പരിപാടിയിൽ പങ്കെടുക്കാൻ താല്പ്പര്യമുള്ള 50 വയസ്സിൽ താഴെ പ്രായമുള്ള അദ്ധ്യാപകരുടെ പേര്‌ വിവരങ്ങൾ 24-10-2018 ബുധനാഴ്ച 4 മണിക്കുള്ളിൽ ഓഫീസിൽ സമർപ്പിക്കേണ്ടതാണ്‌. 

      SC/ST/OBC/Differently Abled വിഭാഗത്തിലുള്ള അദ്ധ്യാപകർക്കും, പുതുതായി സർവ്വീസിൽ പ്രവേശിച്ചിട്ടുള്ള അദ്ധ്യാപകർക്കും പ്രത്യേക പരിഗണന നല്കേണ്ടതാണ്‌.RIESI നടത്തിയിട്ടുള്ള 60/30 ദിവസങ്ങൾ ദൈർഘ്യമുള്ള പരിശീലന പരിപാടിയിൽ മുൻപ് പങ്കെടുത്തിട്ടുള്ള അദ്ധ്യാപകരെ ഒഴിവാക്കേണ്ടതുമാണ്‌.

വിശദാംശങ്ങൾ www.riesielt.org എന്ന വെബ്സൈറ്റിൽ നിന്നോ , 080-23218452 ,23213243 എന്ന ഫോൺ നമ്പറിലോ ലഭ്യമാകുന്നതാണ്.

ഐ.ടി മത്സരം

ഉപജില്ല/റവന്യൂ ജില്ലാതലങ്ങളിൽ ഐ.ടി മത്സരങ്ങൾ സംഘടിപ്പിക്കുന്നത് സംബന്ധിച്ച് പൊതുവിദ്യാഭ്യാസ ഡയറക്ടറുടെ സർക്കുലറിനായി ഇവിടെ ക്ലിക്ക് ചെയ്യുക. സർക്കുലറിലെ നിർദ്ദേശങ്ങൾ കർശനമായി പാലിക്കേണ്ടതാണ്‌.

അറിയിപ്പ്

ഉച്ചഭക്ഷണ പരിപാടി

സ്കൂൾ ഉച്ചഭക്ഷണ പദ്ധതിയിൽ പാചകത്തിന്‌ വെളിച്ചെണ്ണ ഉപയോഗിക്കുമ്പോൾ കഴിവതും സർക്കാർ ഏജൻസികൾ ഉല്പാദിപ്പിക്കുന്ന മായം കലരാത്ത  ബ്രാൻഡഡ് വെളിച്ചെണ്ണ ഉപയോഗിക്കണമെന്ന് അറിയിക്കുന്നു.

നുമാറ്റ്സ് 2018-19

2018-19 വർഷത്തെ NuMATS പരീക്ഷയുമായി ബന്ധപ്പെട്ട് വിശദമായ സർക്കുലറിനായി  ഇവിടെ ക്ലിക്ക് ചെയ്യുക.

       ആറാം ക്ലാസ്സിൽ  പഠിക്കുന്ന കുട്ടികളിൽ നിന്നും ഉന്നത നിലവാരമുള്ള 5 കുട്ടികളെ തെരഞ്ഞെടുത്ത് [ജനറൽ -2 , എസ്.സി-1 , എസ്.ടി-1 , വ്യത്യസ്തമായ കഴിവുള്ളവർ (Differently Abled)-1] അവരുടെ പേര്‌ വിവരം ഹെഡ്മാസ്റ്റർ സാക്ഷ്യപ്പെടുത്തി , ഓരോ കുട്ടിക്കും രജിസ്ട്രേഷൻ ഫീസായി 50 രൂപ സഹിതം 2018 ഒക്ടോബർ 30 നു മുമ്പായി ഓഫീസിൽ സമർപ്പിക്കേണ്ടതാണ്‌.(ഏതെങ്കിലും കാറ്റഗറിയിൽ കുട്ടികൾ ഇല്ലെങ്കിൽ അത് ഒഴിച്ചിടണം).Differently Abled (കുറഞ്ഞത് 40 %) വിഭാഗത്തില്പ്പെട്ട വിദ്യാർത്ഥികളുടെ മെഡിക്കൽ സർട്ടിഫിക്കറ്റിന്റെ പകർപ്പ് ഹാജാരാക്കേണ്ടതാണ്‌.

വളരെ അടിയന്തിരം

ആരോഗ്യ ഇൻഷുറൻസ് (MEDISEP)

കണ്ണൂർ ജില്ലാ വിദ്യാഭ്യാസ ഉപഡയറക്ടറുടെ കാര്യാലയത്തിൽ നിന്നും  ആരോഗ്യ ഇൻഷുറൻസ് പദ്ധതിയുടെ വിവരശേഖരണത്തിനായി നല്കിയ എക്സൽ ഫോർമാറ്റിൽ  മാറ്റങ്ങൾ  വരുത്തി നല്കിയിട്ടുള്ളതിനാൽ പുതുക്കിയ ഫോർമാറ്റിൽ വിവരങ്ങൾ 22-10-2018 നുള്ളിൽ നല്കേണ്ടതാണ്‌. പുതുക്കിയ ഫോർമാറ്റിനായി  ഇവിടെ ക്ലിക്ക് ചെയ്യുക.

മാറ്റങ്ങൾ:-

a) ഒഴിവാക്കിയത്:- ഇതിനോടകം നല്കിയ ഫോർമാറ്റിലെ Employees എന്ന ഷീറ്റിൽ  ഡെപ്യൂട്ടേഷൻ സംബന്ധിച്ച കോളങ്ങൾ( കോളം F,G,H) , ഐ.ഡി കാർഡ് ഡീറ്റയിൽസ് (കോളം-M) , ഡി.ഡി.ഒ ഡീറ്റയിൽസ് (കോളം AC, AD , AE)  എന്നിവ ഒഴിവാക്കിയിട്ടുണ്ട്.

b) കൂട്ടിച്ചേർത്തത്:- Employees  എന്ന ഷീറ്റിലും Dependants എന്ന ഷീറ്റിലും Gender നു ശേഷം Height , Blood Group  എന്നീ കോളങ്ങൾ പുതുതായി ചേർത്തിട്ടുണ്ട്. കൂടാതെ  Employees  എന്ന ഷീറ്റിൽ House Number , Policy Amount എന്നീ കോളങ്ങൾ കൂടി പുതുതായി ഉൾപ്പെടുത്തിയിട്ടുണ്ട്. 

പഴയ ഫോർമാറ്റിൽ  ഇതിനോടകം രേഖപ്പെടുത്തലുകൾ വരുത്തിയിട്ടുള്ളവർ പുതിയ ഫോർമാറ്റ് ഡൗൺലോഡ് ചെയ്തതിനുശേഷം പഴയതിൽ നിന്നും ബാധകമായ കോളങ്ങൾ പുതിയതിലേക്ക് copy/paste ചെയ്യുകയും  പുതുതായി ഉൾപ്പെടുത്തിയ കോളങ്ങളിൽ ആവശ്യമായ രേഖപ്പെടുത്തലുകൾ വരുത്തുകയും  ചെയ്താൽ  മതിയാകും.

കുറിപ്പ് : പ്രസ്തുത ഫോർമാറ്റിൽ  മൊബൈൽ നമ്പറും ആധാർ നമ്പറും ഉൾപ്പെടുന്നതിനാൽ സുരക്ഷിതത്വം കണക്കിലെടുത്ത് പ്രസ്തുത എക്സൽ ഫോർമാറ്റ് സി.ഡി യിലാക്കി നല്കിയാൽ മതി. സി.ഡി യുടെ പുറത്ത് സ്കൂൾ കോഡ് , സ്കൂളിന്റെ പേര്‌ എന്നിവ രേഖപ്പെടുത്തേണ്ടതാണ്‌. ഇ-മെയിൽ അയക്കേണ്ടതില്ല. കൂടാതെ ചുവടെ കൊടുത്തിരിക്കുന്ന സാക്ഷ്യപത്രം ഓഫീസിൽ സി.ഡി യോടൊപ്പം നല്കേണ്ടതാണ്‌.സാക്ഷ്യപത്രത്തിനായി ഇവിടെ ക്ലിക്ക് ചെയ്യുക.