മെയിന്റനൻസ് ഗ്രാന്റ്

മെയിന്റനൻസ് ഗ്രാന്റ് ബില്ലുകൾ ഒരു കോപ്പി മാത്രം ട്രഷറിയിൽ സമർപ്പിച്ചാൽ മതിയെന്നും ഒന്നിലധികം കോപ്പികൾ സമർപ്പിച്ചവർ ഓഫീസ് കോപ്പി  തിരികെ കൈപ്പറ്റി ആയത് ഓഫീസിൽ സൂക്ഷിക്കണമെന്നും  അറിയിക്കുന്നു.

ഉച്ചഭക്ഷണ പരിപാടി

ഉച്ചഭക്ഷണ പരിപാടിയുമായി ബന്ധപ്പെട്ട വാർഷിക പരിശോധന അടുത്ത മാസം നടക്കുമെന്ന് വിദ്യാഭ്യാസ ഉപഡയറക്ടറുടെ കാര്യാലയത്തിൽ നിന്നും അറിയിച്ചിട്ടുണ്ട്.എല്ലാ പ്രധാനാദ്ധ്യാപകരും ഉച്ചഭക്ഷണ പരിപാടിയുമായി ബന്ധപ്പെട്ട രേഖകളും രജിസ്റ്ററുകളും തയ്യാറാക്കി സൂക്ഷിക്കേണ്ടതാണ്‌.

എം.എൽ.എ ഫണ്ട്

എം.എൽ.എ ഫണ്ട് രണ്ടാം ഗഡു അക്കൗണ്ടുകളിലേക്ക് ട്രാൻസ്ഫർ ചെയ്തതായി വിദ്യാഭ്യാസ ഉപഡയറക്ടർ അറിയിച്ചിട്ടുണ്ട്. പ്രധാനാദ്ധ്യാപകർ ബാങ്കുമായി ബന്ധപ്പെട്ട് ആയത് ഉറപ്പ് വരുത്തേണ്ടതാണ്‌.

ഉച്ചഭക്ഷണ പരിപാടി

ഉച്ചഭക്ഷണ പരിപാടിയുമായി ബന്ധപ്പെട്ട് പാചകത്തൊഴിലാളികൾക്കുള്ള  പരിശീലന പരിപാടി 23-3-2019 ശനിയാഴ്ച രാവിലെ 10 മണിക്ക് കൂത്തുപറമ്പ് യു.പി സ്കൂളിൽ വെച്ച്  നടത്തുന്നതാണ്‌. എല്ലാ പാചകത്തൊഴിലാളികളും പ്രസ്തുത പരിശീലന പരിപാടിയിൽ പങ്കെടുക്കുന്നുവെന്ന് പ്രധാനാദ്ധ്യാപകർ ഉറപ്പ് വരുത്തേണ്ടതാണ്‌.

അറിയിപ്പ്

ഇന്ന് നടത്താനിരുന്ന എച്ച്.എം കോൺഫറൻസ് നാളെ (20-3-2019 ബുധനാഴ്ച) രാവിലെ 10 മണിക്ക് നടത്തുന്നതായിരിക്കും.

മെയിന്റനൻസ് ഗ്രാന്റ്

2015-16 , 2016-17 , 2017-18 വർഷങ്ങളിലെ മെയിന്റനൻസ് ഗ്രാന്റിനത്തിൽ BIMSൽ അലോട്ട്മെന്റ് ലഭ്യമായിട്ടുള്ള സ്കൂളുകൾ , പ്രസ്തുത വർഷങ്ങളിൽ ഗ്രാന്റ്  അനുവദിച്ചുകൊണ്ടുള്ള ഉത്തരവിന്റെ അസ്സൽ കവറിംഗ് ലെറ്റർ സഹിതം  റീവാലിഡേറ്റ് ചെയ്ത് നല്കുന്നതിനായി ഇന്ന് (18-3-2019) തന്നെ ഓഫീസിൽ സമർപ്പിക്കേണ്ടതും മെയിന്റനൻസ് ഗ്രാന്റ് ബിൽ 20-3-2019 നു തന്നെ ട്രഷറിയിൽ സമർപ്പിക്കേണ്ടതുമാണ്‌. അലോട്ട്മെന്റ് തുകയിൽ നീക്കിയിരിപ്പുണ്ടെങ്കിൽ ആയത് BIMS ലൂടെ സറണ്ടർ ചെയ്യേണ്ടതുമാണ്‌. അനുവദിച്ച തുക ലാപ്സായി പോയാൽ ആയതിന്റെ പൂർണ്ണ  ഉത്തരവാദിത്തം ബന്ധപ്പെട്ട പ്രധാനാദ്ധ്യാപകർക്ക് മാത്രമായിരിക്കുമെന്ന് ഒരിക്കൽക്കൂടി ഓർമ്മിപ്പിക്കുന്നു.

അറിയിപ്പ്

19-3-2019 ചൊവ്വാഴ്ച 2.30 ന്‌ എച്ച്.എം കോൺഫറൻസ് ഉണ്ടായിരിക്കുന്നതാണ്‌. എല്ലാ പ്രധാനാദ്ധ്യാപകരും ക്യത്യസമയത്ത് പങ്കെടുക്കേണ്ടതാണ്‌.

ഉച്ചഭക്ഷണ പദ്ധതി

വളരെ അടിയന്തിരം

പൊതുവിദ്യാഭ്യാസ ഡയറക്ടറുടെ  നിർദ്ദേശപ്രകാരം 2019 ഫെബ്രുവരി മാസത്തെ കണ്ടിജൻസി ചാർജ്ജ് പുതിയ സോഫ്റ്റ് വെയർ പ്രകാരം അനുവദിച്ചപ്പോൾ പല പ്രധാനാദ്ധ്യാപകരും സോഫ്റ്റ് വെയറിൽ ഡാറ്റാ എൻട്രി  പൂർത്തിയാക്കിയതായി കാണുന്നില്ല. സോഫ്റ്റ് വെയറിൽ ഡാറ്റാ എൻട്രി ചെയ്ത ദിവസങ്ങൾക്ക് ആനുപാതികമായ  തുക മാത്രമേ കണ്ടിജൻസി ചാർജ്ജിനത്തിൽ പാസ്സാക്കി നല്കുവാൻ സാധിക്കുകയുള്ളൂ.ആയതിനാൽ  വീഴ്ച വരുത്തിയിട്ടുള്ള മുഴുവൻ സ്കൂളുകളും  അടിയന്തിരമായി ഡാറ്റാ എൻട്രി പൂർത്തിയാക്കി  ഓഫീസിൽ വിവരം അറിയിക്കേണ്ടതാണ്‌. സ്കൂളുകളുടെ പട്ടിക ഓഫീസിലെ നോട്ടീസ് ബോർഡിൽ ലഭ്യമാണ്‌.

ഏകദിന സെമിനാർ

കണ്ണൂർ റവന്യൂ  ജില്ലാ  പ്രവർത്തിപരിചയ ക്ലബ്ബിന്റെ നേത്യത്വത്തിൽ 2019 മാർച്ച് 8 ന്‌ രാവിലെ  9.30  മുതൽ കണ്ണൂർ ശിക്ഷക് സദനിൽ വെച്ച് നടത്തുന്ന ഏകദിന സെമിനാറിൽ ഉപജില്ലയിലെ മുഴുവൻ പ്രവർത്തി പരിചയ അദ്ധ്യാപകരും പങ്കെടുക്കുമെന്ന് എല്ലാ പ്രധാനാദ്ധ്യാപകരും ഉറപ്പ് വരുത്തേണ്ടതാണ്‌.